Events
OLDSTER CAMPING
പ്രിയരേ,
പ്രായം വെറുമൊരു സംഖ്യയും വാർദ്ധക്യം എന്നത് വെറുമൊരു ചിന്തയും ആവുന്നു.
കാലം മനുഷ്യ ശരീരത്തിൽ വരുത്തുന്ന മാറ്റം നമ്മുടെ മനസ്സിനെ ബാധിയ്ക്കാതിരിയ്ക്കട്ടെ.
അതിന് ഞങ്ങൾ നിങ്ങൾക്കായി പ്രൗഢ ശിബിരങ്ങൾ (OLDSTER’S CAMPING) ഒരുക്കുന്നു.
അൻപത് കഴിഞ്ഞവർക്കായി വാർദ്ധക്യത്തെ നേരിടാനും അതിജീവിയ്ക്കാനുമായി പ്രത്യേകം കണ്ടെത്തിയ പ്രകൃതിരമണീയമായ സ്ഥലങ്ങളിലെ ക്യാമ്പിംഗ് അനുഭവങ്ങളിലേയ്ക്ക് സ്വാഗതം.
ജീവിതത്തിന്റെ വിവിധ മേഖലകളിൽ നിന്നുള്ള കുറേ നല്ല ആളുകളുമായി ഇടപഴകാനും അനുഭവങ്ങൾ പങ്കു വെയ്ക്കാനും ഒരവസരം.
തേയിലത്തോട്ടങ്ങളുടെ വശ്യമായ സൗന്ദര്യവും കാനന നീലിമയുടെ ഭ്രമാത്മകതയും ആത്മാവിൽ ആവാഹിയ്ക്കാനുള്ള ആഗ്രഹം നമുക്കുമില്ലേ ?
എങ്കിൽ ആ സ്വപ്നങ്ങളിലേയ്ക്ക് ഞങ്ങളോടൊപ്പം ചുവടു വയ്ക്കാം.
ഈ ജീവിതത്തിൽത്തന്നെ നമ്മുടെ ആഗ്രഹങ്ങൾ സഫലമാക്കാൻ നമുക്ക് കൈ കോർക്കാം.
Nestle in the arms of 900 Kandi
🌿വയനാടൻ മനോഹാരിത ദൃശ്യനുഭവങ്ങൾ കൊണ്ട് എന്നും മനസ്സിൽ മായാത്ത ഒരനുഭൂതിയാണ്.പൈതൃകങ്ങൾ കൊണ്ട്, ഇതിഹാസങ്ങൾ കൊണ്ട്, അളവറ്റ സൗന്ദര്യം കൊണ്ട് എന്നും അന്തസ്സുറ്റി നിൽക്കുന്ന നാട്. കണ്ടു മതിവരാതെ മടങ്ങുന്ന മനസ്സിനെ, കണ്ണുകളെ വീണ്ടും മാടി വിളിക്കുന്ന പശ്ചിമഘട്ടം. കാടും മേടും, മഞ്ഞു മലയും, കാട്ടാറും പാറയും വെള്ളച്ചാട്ടവും അങ്ങനെ തീരാത്ത വശ്യമായ ദൃശ്യവിരുന്ന്. ഭൂമിയിലെ സ്വർഗങ്ങളിൽ വശ്യത കലർന്ന ഒരിടം തന്നെയാണ് കാടുകൾ… വന്യമായ യാത്രാ മോഹങ്ങൾ കൊണ്ട് ഹരിത മഞ്ഞു പുതച്ച് കാനന ഭംഗിയിൽ മയങ്ങാൻ ഒരു യാത്ര…കെട്ടുറപ്പുള്ള പഴങ്കഥകളുടെ, വേറിട്ട സംസ്കാരത്തിന്റെ, ചരിത്രത്തിന്റെ നാട്ടിലേക്ക്… വയനാട്ടിലേക്ക്.….🌿
